fbpx

4組動作輕鬆減肥,坐月都能瘦!

媽咪生完BB都仍然比之前重左20-30 磅真係好平常,但係減磅都要注意身體,千祈唔好操之過急。
喺床上慢慢開始投入運動比較合適,建議運動前先上廁所,飯後1.5小時後先做運動,就唔會影響消化功能,較硬嘅床褥會好D,每天早上同睡前各做10分鐘。持續運動2~3個月,就會見到明顯嘅修身效果,到嗰陣,肌肉都比較有力,可以慢慢加入帶氧運動同游泳等比較劇烈嘅運動。

腹式呼吸
功效:似束腹帶,令腹部平坦同收緊陰道肌肉,亦明顯改善產後腰痠背痛
做法:
Step 1:仰臥,雙膝彎曲,慢慢吸氣,擴大胸部,令肚鼓起,吸足氣縮腹,閉氣2秒
Step 2:嘴好似吹蠟燭咁慢慢招呼氣🌬️,約7秒,儘量收緊腹部,但唔好忍氣,最好喺睡前重複20~50次。

腹肌訓練
功效:簡單輕鬆練腹肌,亦可以改善肩頸痠痛
做法:
Step 1:床上仰臥,曲膝,雙手放喺大腿
Step 2:好似做 sit up 咁,眼睛前望,下巴貼住頸,頭唔可以兩邊搖,身慢慢向上移起,雙手滑向膝頭,維持5秒,每次做20下,連續3次以上。

臀腿雕塑
功效:除左個肚,大肶同 pat pat最易肥,側臥較剪刀腳,可以令大肶同 pat pat嘅肌肉firm D,消脂效果強勁!
做法:
Step 1:先右側臥床上,右手托頭
Step 2:右膝彎曲,令個身穩陣D唔會跌
Step 3:將左腳慢慢舉起,雙腳好似較剪咁,腿同床約成45度,來回做20下,換另一方向側臥,重複動作3次以上

棒式點腳
功效:訓練全身肌肉,包括肩膊、胸、腹、腿肌肉,搭配點腳動作,做起上黎冇咁吃力,但又可以燃燒脂肪!
做法:
Step 1:趴低,腳尖著地同肩一樣寬度,手肘放肩膀正下方,以腹肌為中心撐起身體,緊縮腹部核心,肩膀同臀部同一高度,身體維持穩定
Step 2:以右腳為中心,左腳向外跨,點腳再收回,換左腳為中心,右腳向外跨,保持正常呼吸,維持動作30秒。休息後,重複動作3次以上。

發佈留言

發佈留言必須填寫的電子郵件地址不會公開。 必填欄位標示為 *