fbpx

準媽媽氣喘會唔會影響BB?

氣喘會影響呼吸,唔單只影響孕媽咪健康,呼吸量不足更加會妨礙胎兒成長,甚至造成難產,但係食藥又驚影響BB,呢大堆問題都令準媽咪好困擾。

Q : 準媽咪過敏,BB係咪都會有?
A:BB過敏同媽咪患敏感未必存在直接關係,始終先天遺傳同後天環境都有影響,所以媽咪唔使太擔心。

Q:懷孕會令氣喘惡化?
A:冇證據顯示懷孕會加劇氣喘症,不過嚴重氣喘患者喺懷孕期,由於荷爾蒙會令呼吸道黏膜充血、水腫,分泌物增加,呼吸阻力會上升、引致呼吸困難,令氣喘比較易發作,而且隨住懷孕週數增加,子宮逐漸變大,橫隔膜向上推就會擠壓胸腔,令肺活量下降,氣喘問題就會更加明顯。

不過唔少媽咪因為擔心藥物會影響BB而自行停藥,令氣喘嚴重左,咁樣就有機會因為氣喘控制唔好而影響胎兒發育,甚至會早產、難產架。

其實醫生會將藥物劑量控制喺安全範圍,孕婦根本唔需要過於驚恐,更加千祈唔好自行停藥呀。

Q:食氣喘藥可以餵母乳嗎?
A:新媽咪擔心藥物會渾入乳汁,因此對食藥又餵母乳有疑慮,其實氣喘藥物進入乳汁嘅濃度好低,唔需要因此而停餵母乳。相反,持續餵母乳六個月以上,係可以延緩幼兒發生過敏性疾病架。

患氣喘嘅準媽咪應該做好身心調適,改善呼吸,減少積痰,強化肺部功能,增強肺活量,最重要係聽醫生吩咐,按時食藥,控制好病情,將呼吸量調整到最佳狀態,確保胎兒有足夠氧氣量,令BB健康成長。

發佈留言

發佈留言必須填寫的電子郵件地址不會公開。 必填欄位標示為 *