fbpx

明星去紮肚,你跟唔跟?

明星個個生完BB都極速收身,有D仲fit過以前,請私人教練狂操當然不能少,而唔少明星媽咪都會紮肚,令媽媽界興起一股「紮肚熱」,連冇生BB嘅愛美一族都話要試。不過,係唔係人人都啱紮?是否個個都有效?

幾時紮肚最有效?
原來紮肚都有黃金檔期,駝住BB時媽咪體內會分泌鬆弛素,令肌肉韌帶、骨骼同軟組織變得柔軟,方便分娩;紮身黃金時期,就是要趁身體裏面仲有鬆弛素,即產後半年內進行。
雖然有部份紮身服務聲稱順產媽咪最快喺產後14日、剖腹產後6星期就可以開始,不過為身體健康起見,建議坐完月先開始紮身,坐月期間可以先用一般束腹帶,等身體復原後再開始療程,剖腹產媽咪更應該等醫生確認傷口癒合滿意先好進行。

人人都可以紮肚?
假如以前患過癌症、內傷如盤骨曾經裂過等就唔建議紮身。

紮幾耐?
紮身係利用長長嘅棉布,由盆骨下方向上包紮至胸骨,開始時只能每日紮6 – 8個鐘,原理就好似箍牙咁,將拉開左嘅骨骼收緊,等內臟恢復原位,幫助子宮收縮,舒緩腰酸背痛;身體適應左,就可以慢慢加長至最多20個鐘。
咪以為想瘦D就長期紮住,唔得架!我地嘅肌肉有記憶,長期紮身會造成依賴,令肌肉能力下降,引致腰酸背痛,所以最長只能做30日。

紮肚可以減肥?
錯!紮身係「減吋不減磅」嘅矯正方法,只將脂肪壓縮,係會反彈嘅,所以如果要真正消脂,都係控制飲食同運動啦。

發佈留言

發佈留言必須填寫的電子郵件地址不會公開。 必填欄位標示為 *