fbpx

媽媽產後快速瘦身,中醫調理幫到手

個個新媽咪都想極速收身,但係太急進好易傷身,原來中醫都有收身貼士,大家不妨參考吓,健康瘦。

餵母乳
瘦身首推「餵母乳」,產後媽媽減1 kg要消耗7700卡熱量,母乳一日可以用500卡左右,如果每日餵到1000cc母乳,仲可以增加到600~700卡!除左瘦身,餵母乳仲可以增強BB免疫力同幫助子宮收縮,真係一舉兩得。

飲水都瘦
生完B需要蛋白質,媽咪要食多D豆漿、豆腐、雞蛋,而且足夠水份都好重要,一日要飲1500cc暖水,餵母乳嘅媽媽更需要2500cc。

但飲水方法都唔可以亂黎,一口一口慢慢飲身體先能夠吸收消化,增加代謝。產後體質多數脾虛,大量灌水就會引起水腫,每日早晚按摩「陰陵泉」穴、「足三里」穴各10次,就可以增加脾胃功能,幫助去水腫,增強肌肉;另外按「帶脈」穴、「天樞」穴可亦以利水消腫,皮膚緊實D,仲可以收肚肚。

利腸胃 助消化
中醫建議坐月期間,喺中午11:00 ~3:00午睡,維持瘦素分泌,瞓得夠母乳先至足。晚上要照顧BB瞓唔到覺,陰虛火旺嘅媽媽加上坐月進補,就會容易爛咀、便祕、想食嘢,咁就要按摩「合谷」穴同「足三里」穴,令媽咪減低食慾,同埋增加腸道蠕動。

運動當然有助收身,但順產都要等2周,開刀就建議6周後先開始運動。懷孕期間身體會分泌弛緩素,關節肌肉要4~6星期先會慢慢恢復,所以坐月就唔好做高強度運動,以免攪到腰酸背痛。呢段期間應該做吓溫和嘅伸展運動,只要持之以恆,好快就可以回復fit爆又健康嘅好身材喇。

發佈留言

發佈留言必須填寫的電子郵件地址不會公開。 必填欄位標示為 *