fbpx

媽咪同水腫say Bye Bye

媽媽真係好偉大,大部份嘅孕媽媽身形狀態都不似預期,單係對腳水腫變「甲組腳」就非常普遍。
當然,人體受地心引力影響,水分集中喺對腳,令小腿、腳眼出現水腫好正常,不過有時孕婦水腫情況都可以幾嚴重,而當中又分生理性水腫同病理性水腫,究竟點分呢?

生理性水腫
通常喺懷孕中後期出現。媽咪有BB,荷爾蒙改變會令體內水分增加;BB撐大子宮壓住骨盆腔靜脈,令血液回流慢左,就會水腫。生理性水腫通常主要喺小腿、腳眼同腳背,到BB出世,荷爾蒙回復正常,水腫就會改善。

病理性水腫
如果懷孕初期已經全身水腫,可能係病理性水腫。如果媽咪懷孕前有心臟衰竭、肝硬化、慢性腎臟病等,都有可能出現病理性水腫。

點樣改善腳水腫?
其實有唔少方法都可以改善腳腫,一般靚靚都可以跟住做黎消腫架。

1. 抬高雙腳
瞓覺前做抬腿運動,瞓覺時就將枕頭墊高雙腳,加速血液回流消腫。

2. 郁身郁勢
無論企或者坐,如果時間長都會影響血液循環,靜脈回流變慢。所以久不久要伸展吓筋骨,走動吓,不但可以舒緩神經,仲可以提升血液循環。

3. 識飲識食
食淡D:太重口味會攝取過多鹽分,令水分積存,不但會水腫,仲會增加心臟負擔。
飲紅豆水:孕婦飲紅豆水,利尿又補血。但紅豆水鈣離子含量較高,腎臟功能唔多好就唔建議飲太多。
多蔬果、多飲水:只要食物有鉀離子,就可以令水分隨鉀離子排出,所以千祈唔好驚水腫就唔飲水。如果孕媽咪飲太少水,會令新陳代謝降低。

4. Foot spa
用40°C熱水泡腳20分鐘,由腳掌至腳眼打圈按摩,再握拳由腳眼至小腿肚向心臟回推,可以擴張末梢血管,令靜脈加速回流,舒緩腫脹嘅不適。

5. 彈性襪
著彈性襪可幫助血液循環、令對腳舒服D,但建議喺日間穿著,瞓覺就唔好著嘞。

發佈留言

發佈留言必須填寫的電子郵件地址不會公開。 必填欄位標示為 *