fbpx

上班族日日坐Office,1分鐘減腰痛!

各位靚靚OL 日坐8、9粒鐘,坐到腰酸背痛,真係有苦自己知。
如果坐得耐企起身或朝早起床時有腰痛,就可能患上非創傷性腰痛,如果唔理佢,有機會攪到要做手術架,所以最好防範於未然嘞。

椎間盤突出成因
椎間盤喺脊椎骨之間,連接唔同嘅脊椎關節,作用就好似一個避震軟墊,緩衝日常活動時脊椎之間嘅撞擊力或壓力,令我地可以活動自如。如果脊椎內嘅椎間盤受壓突出,就係「椎間盤突出」。好多時身體唔好都係自己攪出黎嘅:長期工作姿勢唔好,缺乏運動,用錯姿勢搬重嘢、做家務,都會引致椎間盤突出。另外,貪靚長時間著高跟鞋或者太肥過重,都會令椎間盤承受額外壓力,久而久之咪出事囉。

仲有呀,椎間盤突出係唔可以100%復原架,最有效嘅預防方法就係運動。由於椎間盤屬於軟骨、韌帶,係冇血管嘅,要靠周圍組織運動黎泵血提供營養,所以如果長期唔運動,營養不足就會加速退化。椎間盤突出後果可大可小,輕則可以靠脊骨治療,但由於佢依然係突出黎,所以翻發率好高,唔會「斷尾」;如果嚴重的話,甚至會大、小便不暢甚至失禁架。

紓緩臀部肌肉 減腰痛
除左注意姿勢,運動係預防椎間盤突出嘅最佳方法,下面嘅簡易動作主要係令臀部肌肉放鬆,預防腰痛,就算患有腰痛都可以日日做:
1.  坐低,放鬆身體
2. 好似蹺腳咁,將腳放上另一大腿,雙手放喺屈曲腳嘅膝蓋位置,令嗰隻腳保持平直
3. 上身保持挺直向蹺起腳掌方向下壓,覺得臀部有繃緊、拉扯感覺就啱嘞,維持5秒,每隻腳做6~7次

發佈留言

發佈留言必須填寫的電子郵件地址不會公開。 必填欄位標示為 *