fbpx

上班族周身痛自救法:正確坐姿好重要

上班族對住電腦坐成日,個個頸梗膊痛,女士又擔心對腳水腫變象腿,唔只係咁,美國更有研究話一日坐超過6小時,比每日坐3小時嘅人,15年後死亡機率會高40%!!!

姿勢唔正確 後果好嚴重
坐姿唔好唔單只會令你頭、肩頸、腰、背痛、手腕手臂痠麻、手臂舉唔起、雙腳痠麻同水腫;坐得耐,身體重力壓喺腰部椎間盤、關節、肌肉同其他組織上,就引發痛症,更嚴重會令身體歪斜,產生各種症狀。

3招掌握「丹田坐姿」
改變坐姿,改變人生!現代人工作都需要「久坐」,唔想周身痛,真係要留意吓坐嘅姿勢。「丹田」喺肚臍下約5公分,係身體嘅正中心,「丹田坐姿」著重將重心保持喺丹田,係身體壓力最低嘅「終極健康坐姿」。
Step 1 – 深坐喺椅上,雙腿打開,背部挺直,再做出「駝背」同「腰部反折」(即腰向前挺,肩向後) 嘅動作。
Step 2 – 慢慢將「腰部反折」、挺胸,再將上半身慢曲向前。
Step3 – 腰部向後回復彎度,背部肌肉唔再繃緊,就會覺得「下腹某處用力」,呢個就係丹田坐姿嘅狀態。只要保持呢個坐姿,合埋雙腳都冇問題。
腰不能反折,背不能拱起,所謂坐喺正中間,就是以丹田為軸心嘅姿勢。

工作案頭要啱要求
職安健好老土,但係的確可以令我地冇咁易勞損。
電腦mon要喺視線下約5~10度
椅唔可以過高過低
身體重心唔可以放喺手肘
文件唔可以放喺鍵盤同自己之間

注意姿勢 定時舒展
1. 每小時企起身做伸展運動
2. 眼望電腦身體要挺直,唔可以歪斜
3. 唔好翹腳
4. 唔好一邊用膊頭夾住電話,一邊做嘢

 

發佈留言

發佈留言必須填寫的電子郵件地址不會公開。 必填欄位標示為 *